Produksjonsstart på Gullfaks B

Julia Stangeland

29. februar 1988 – ni månadar før den opphavlege planen kom Gullfaks B i produksjon.

— Fyr i fakkelen var i mars 1988 eit tydeleg teikn på at Gullfaks B produserte olje og gass. Foto: Leif Berge/Equinor

«Nordsjøens skuddårsbarn» kallar Bergens Tidende Gullfaks B, som ei markering av at plattforma kom i produksjon 29. februar 1988.

I artikkelen kan ein vidare lese at produksjonen startar ni månadar før planlagt tid og at plattforma i staden for å koste 12,1 milliardar kroner, ville bli 3 milliardar kroner billigare.[REMOVE]Fotnote: Bergens Tidende, «Statfjord-feltet enormt lønnsom», 12. mars 1988, s. 5. Nasjonalbiblioteket.

Om lag éin månad etter produksjonsstart, 23. mars 1988, gjennomførte Statoil-sjefen, Harald Norvik, den offisielle opninga av plattforma. Dette var Norvik si fyrste offisielle oppgåve etter at han overtok som Statoil-sjef etter Arve Johnsen.[REMOVE]Fotnote: Hatlestad, Helge. Femti år med oljeproduksjon: Min historie. Stavanger. Utgitt på eige forlag. 2021, s. 62.