Produksjonsstart på Gullfaks C

På Equinor sine heimesider står det at Gullfaks C starta sin produksjon 4. november 1989, men i avisreportasjar og interne Statoil-magasin står det at produksjonsstart på Gullfaks C var i desember. Nærmare bestemt blei produksjonsstart markert 18. desember, samtidig med Veslefrikkfeltet, medan sjølve produksjonsstarten var i julehelga, nokre dagar seinare.[REMOVE]Fotnote: Equinor si nettside, «Gullfaks». https://www.equinor.com/no/energi/gullfaks  Lasta ned 28. januar 2025. Rogalands Avis, «Gullfaks C og Veslefrikk i produksjon», 19. desember 1989, s. 13. Nasjonalbiblioteket. Aktuelt. Intern informasjon for Statoil i Bergen, nr. 27/89, 21. des. Årg. 3. «GFC og VFR i mål: Dobbeltstart for DDB», 1989, s. 1.

Korleis kan datoen vere så uklar?

Tørr brønn

«Gullfaks C-plattformen settes i drift i november» står det i tidsskriftet Byggenytt.[REMOVE]Fotnote: Byggenytt (Oslo : 1962 : trykt utg.) : Norwegian building news. 1989 Vol. 34 Nr. 9/10. «Gullfaks C-plattformen settes i drift i november», s. 7 og 43. Nasjonalbiblioteket.4. november kom det olje på dekk på Gullfaks C. Problemet var at denne fyrste brønnen var tørr og derfor berre gav eit avgrensa, lite volum.

Forfattar og mangeårig Statoil-tilsett, Bjørn Vidar Lerøen konkluderer med at: «Forberedelsene til produksjonsstarten på Gullfaks C ble en tung motbakke», og at den tørre brønnen bekrefta den utfordrande geologien på Gullfaksfeltet.

«Det var ingen hyggelig nyhet, men vi visste at oljen var der, og forberedte oss på at det ville bli enda mer komplisert å produsere fra det forkastede og oppsprukne reservoaret», fortel dåverande viseadministrerande direktør i Undersøking og Produksjon (U&P), Statoil, Jakob Bleie til Lerøen.[REMOVE]Fotnote: Lerøen, Bjørn Vidar. 34/10: olje pånorsk. En historie om dristighet. Stavanger, 2006, s. 105–106.

Markert og faktisk produksjonsstart

18. desember 1989 trykka fylkesmann i Hordaland, Håkon Randal, på knappen som starta oljeproduksjonen på Gullfaks C. Same dag blei ei liknande markering gjennomført på Veslefrikk-plattformene. Her var det fylkesmann i Sogn og Fjordane, Ingvald Ulveseth, som stod for opninga.

Fleire aviser rapporterte frå hendinga og alle understreka at «opninga» 18. desember berre var ei markering. Den faktiske produksjonen ville fyrst starte i julehelga, nærmare bestemt på sjølve julaftan 1989.

Gullfaks C enda med det opp med produksjonsstart nesten nøyaktig tre år etter Gullfaks A, som hadde produksjonsstart bittevesle julaftan 1986. At Gullfaks C faktisk enda opp med å starte produksjonen eit halvt år før den opphavlege planen var òg noko den yngste Gullfaks-plattforma hadde til felles med den eldste .